З прыўзнятым настроем

Filed under: Выборы - 2018,Нумары |

140218b

Пачалося датэрміновае галасаванне па выбарах у мясцовыя Саветы дэпутатаў. Дзераўнянскі выбарчы ўчастак № 32 належным чынам абсталяваны для правядзення выбараў. Тут зарэгістравана 648 выбаршчыкаў – гэта жыхары аграгарадка Дзераўная і вёскі Агароднікі. Сярод выбаршчыкаў трое маладых людзей будуць галасаваць упершыню. Дадаткова на гэтым участку прагаласуюць і тыя, хто знаходзіцца на лячэнні і сацыяльных ложках у Дзераўнянскай участковай бальніцы.

– Людзі на нашым выбарчым участку адказныя, яўка заўжды літаральна стопрацэнтная, датэрмінова аддаць свой голас за кандыдатаў у дэпутаты прыходзіць звычайна палова выбаршчыкаў, – расказвае старшыня камісіі Галіна Каразей. – Чакаем, што і на гэтых выбарах людзі праявяць не меншую актыўнасць і выканаюць свой грамадзянскі доўг.

Члены камісіі пастараліся папярэдне данесці вяскоўцам інфармацыю аб усіх кандыдатах. Размясцілі яе на прадпрыемствах, у месцах масавага знаходжання грамадзян, заходзілі з запрашэннямі да выбаршчыкаў дамоў. Да хворых і састарэлых, якія не могуць прыйсці на ўчастак, члены камісіі ў дзень галасавання прыязджаюць дадому. Транспартам забяспечвае кіраўніцтва ААТ АБФ «ПМК-74–Налібакі». Асаблівая ўвага ўдзяляецца інвалідам-калясачнікам, іх на ўчастку трое.

– У день выбараў у нас шматлюдна, пануе прыўзняты настрой, – дадае Галіна Станіславаўна. – Для людзей работнікі Дзераўнянскай школы мастацтваў ладзяць канцэртную праграму, падрыхтавалі яе і сёлета.

На здымку: старшыня камісіі Галіна Каразей (на пярэднім плане) і сакратар Таццяна Свекатун.

Надзея БАТАЛКА, фота аўтара

РУБРЫКІ

Добавить комментарий

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>