На Стаўбцоўшчыне

ЗАКУП ЗБОЖЖА

Гарачая пара ўборкі збожжавых – напружаны час не толькі для тых, хто ўбірае ўраджай з палеткаў, але і для прадпрыемстваў, якія вядуць нарыхтоўку сыравіны для патрэб сваёй вытворчасці.

У ліку іх і вытворчы цэх № 9 холдынга «Мінск Крышталь Груп», які працуе ў нашым раёне ў Хатаве.

Для вытворчасці, якая арганізавана ў кругласутачным рэжыме, патрэбна нарыхтаваць не менш за 14 тысяч тон збожжа. З розных раёнаў і абласцей паступае збожжа ў складскія памяшканні цэха. Нарыхтавана ўжо да гадавой праграмы больш за тры тысячы тон.

 

АГУРКІ – ДЛЯ ЗАСОЛКІ

Філіял Гарадзейскага цукровага камбіната ў летні сезон пачаргова вядзе нарыхтоўку розных відаў гародніны і садавіны.

Завершаны закуп чарніц, буякоў, вішні. Распачалася актыўная нарыхтоўка грунтовых агуркоў. Яны будуць засолены ў бочкі, а потым – расфасаваны ў вакуумныя ўпакоўкі для продажу. Па традыцыі, філіял закупіць кабачкі і падрыхтуе ікру па адметным эксклюзіўным рэцэпце, якая экспартуецца ў Расію.

Гаспадары садоў у надзвычай ураджайны год чакаюць, калі перапрацоўчае прадпрыемства аб’явіць аб нарыхтоўцы яблыкаў. Будзе гэта ў другой палове жніўня.

 

КАНТРАЛЁРЫ, ЯКІХ ЧАКАЛІ

На гэтым тыдні ва ўстановах адукацыі і спорту актыўна працавала выязная камісія, зацверджаная старшынёй раённага выканаўчага камітэта. Яе задачай было паглядзець, як падрыхтаваны школы, дзіцячыя сады, установы дадатковай адукацыі да новага навучальнага года.

У склад камісіі ўвайшлі прадстаўнікі ўпраўлення па адукацыі, спорце і турызме райвыканкама і зацікаўленых структур і арганізацый. Агляд меў мэтай прааналізаваць падрыхтоўку да новага навучальнага года 49 устаноў адукацыі і спорту раёна на іх адпаведнасць устаноўленых дзяржаўным стандартам у розных аспектах.

Выязная праверка выявіла добры вопыт супрацоўніцтва ўстаноў адукацыі з мясцовымі прадпрыемствамі і арганізацыямі.

Тыя з устаноў адукацыі, дзе выяўлены недахопы, паспеюць яшчэ за месяц да верасня выправіць іх, каб быць атэставанымі да новага навучальнага года.

 

ЛЕТА – У ЗЕНІЦЕ

Доўгачаканыя сухія летнія дні – радасць дзятве, тым, хто знаходзіцца ў адпачынку, гаспадарам агародаў.

І арганізатары гандлю райспажыўтаварыства адзначаюць свае плюсы. Значна (больш, чым у два разы) за гэты тыдзень павялічыўся продаж марожанага. Гэты любімы ласунак дзяцей і дарослых можна купіць ва ўсіх магазінах райцэнтра і сельскай мясцовасці, у гандлёвым павільёне «Дачнік» у Атцэдзе і ва ўсіх дзевяці аўталаўках, якія абслугоўваюць населеныя пункты раёна, дзе няма стацыянарных магазінаў, і дачныя кааператывы.

Павысіўся попыт і, адпаведна, – рэалізацыя і прахаладжальных напіткаў. Арганізатары гандлю клапоцяцца пра асартымент гэтай запатрабаванай прадукцыі, каб пакупніку быў выбар.

Пр

РУБРЫКІ

Добавить комментарий

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>