Школьнікі сустрэліся з прадстаўніком Белдзяржстраху
У рамках дэкады прававых ведаў вучні 3 «Б» класа СШ № 4 г. Стоўбцы сустрэліся з прадстаўніком Белдзяржстраху па Стаўбцоўскім раёне Святланай Дубовік.
Святлана Антонаўна расказала хлопчыкам і дзяўчынкам, адкуль пайшло страхаванне, розных паслугах і відах страхавання, як атрымаць прафесію, звязаную са страхавой дзейнасцю. Пасля інфармацыйнай часткі Святлана Дубовік прапанавала дзецям віктарыну.
У канцы мерапрыемства ўсе дзяўчынкі і хлопчыкі атрымалі сувеніры.
Сустрэча ўразіла дзяцей, і яны вырашылі прадстаўніцтву Белдзяржстраху па Стаўбцоўскім раёне зрабіць творчыя падарункі – малюнкі па тэме «Адкуль пайшло страхаванне?». Цяпер яны ўпрыгожваюць стэнд у холе прадстаўніцтва.
Марына КУТАС
Фота: прадстаўніцтва Белдзяржстарху па Стаўбцоўскім раёне