У Стоўбцах прайшоў мітынг да 35-годдзя вываду савецкіх войск з Афганістану
![](https://pramen-news.by/app/uploads/2024/02/IMG_8146-1-800x533.jpg)
У Стоўбцах прайшоў мітынг, прысвечаны 35-годдзю вываду савецкіх войск з Афганістану.
Ля стэлы ў гонар загінуўшых землякоў сабраліся воіны-інтэрнацыяналісты, моладзь, прадстаўнікі ветэранскай і прафсаюзнай арганізацый, працоўных калектываў, грамадскасць.
Перад прысутнымі выступілі старшыня раённага Савета дэпутатаў Сяргей Шэсцель, ваенны камісар Стаўбцоўскага раёна Аляксей Дзядкоў, старшыня раённай арганізацыі грамадскага аб’яднання «Беларускі саюз ветэранаў вайны ў Афганістане» Рыгор Мамайка, вучаніца 9 «А» класа СШ № 2 г. Стоўбцы Аляксандра Нікалаеня.
![](https://pramen-news.by/app/uploads/2024/02/IMG_8157.jpg)
![](https://pramen-news.by/app/uploads/2024/02/IMG_8130.jpg)
![](https://pramen-news.by/app/uploads/2024/02/IMG_8134-1.jpg)
![](https://pramen-news.by/app/uploads/2024/02/IMG_8135.jpg)
У гонар тых, хто не вярнуўся з той неаб’яўленай вайны, прагучаў салют. Да стэлы былі ўскладзены жывыя кветкі памяці.
Сяргей Шэсцель у прыватнасці сказаў: «Праяўляючы мужнасць, адвагу, стойкасць, воіны-інтэрнацыяналісты захавалі вернасць прысяге, выканалі свой інтэрнацыянальны доўг, у тым ліку цаной уласнага жыцця. Успамінаючы тых, хто не вярнуўся, мы схіляем галовы і ўшаноўваем герояў. Памяць аб той вайне жыве ў нашых сэрцах. На гераічных традыцыях мы выхоўваем наша маладое пакаленне».
![](https://pramen-news.by/app/uploads/2024/02/IMG_8158.jpg)
![](https://pramen-news.by/app/uploads/2024/02/IMG_8167.jpg)
![](https://pramen-news.by/app/uploads/2024/02/IMG_8168.jpg)
![](https://pramen-news.by/app/uploads/2024/02/IMG_8174.jpg)
![](https://pramen-news.by/app/uploads/2024/02/IMG_8178.jpg)
![](https://pramen-news.by/app/uploads/2024/02/IMG_8185.jpg)
![](https://pramen-news.by/app/uploads/2024/02/IMG_8194.jpg)
![](https://pramen-news.by/app/uploads/2024/02/IMG_8201.jpg)
Таццяна ПЯТКЕВІЧ, фота аўтара